घरेलु टोली वेस्ट इन्डिजले अष्ट्रेलियाविरुद्धको टी–ट्वान्टी क्रिकेट सिरिज जितेको छ ।
मंगलबार बिहान भएको तेस्रो टी–ट्वान्टीमा अष्ट्रेलियालाई ६ विकेटले हराउँदै वेस्ट इन्डिजले सिरिज आफ्नो पक्षमा पारेको हो । वेस्ट इन्डिजले पाँच खेलको टी–ट्वान्टी सिरिजमा ३–० को जित निकालेको हो ।
डारेम सम्मे क्रिकेट स्टेडियममा अष्ट्रेलियाले दिएको १४१ रनको लक्ष्य वेस्ट इन्डिजले १४ ओभर २ बलमा ४ विकेट गुमाएर पूरा गर्यो । वेस्ट इन्डिजका लागि क्रिस गेलले ६७ रनको अर्धशतकीय पारी खेले । ३८ बल खेलेका उनले ४ चौका र ७ छक्का प्रहार गरे । वेस्ट इन्डिजका लागि कप्तान निकोलस पोरानले अविजित ३२ रन बनाए ।
बलिङतर्फ अष्ट्रेलियाका लागि रिले मेरेडिथले ३ विकेट लिए । त्यस्तै, मिचेल स्ट्राकले १ विकेट झारे ।
यसअघि, टस जितेर पहिले ब्याटिङ गरेको अष्ट्रेलियाले निर्धारित २० ओभरमा ६ विकेट गुमाउँदै १४१ रन बनाएको थियो । अष्ट्रेलियाका लागि मोइस हेनरिक्यूले ३३ रन बनाउँदा अरोन फिन्चले ३०, एस्टोन टुनेरले २४ रन जोडे ।
वेस्ट इन्डिज पहिलो खेलमा १८ रनले विजयी भएको थियो । दोस्रो खेल ५६ रनले जितेको थियो ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
