काठमाडौं । स्पेनिस क्लब रियल मड्रिडले च्याम्पियन्स लिग फुटबलमा जित निकालेको छ । बुधबार राति भएको खेलमा रियलले इटालियन क्लब इन्टर मिलानलाई पराजित गरेको हो ।
इन्टरको घरेलु मैदानमा भएको खेलमा रियललाई जित दिलाउन इडेन हाजार्डले निर्णायक गोल गरे । एक गोल रियलले आत्मघाती उपहार पाएको हो ।
खेलको सातौं मिनेटमा हजार्डले पेनाल्टीमार्फत गोल गर्दै टिमलाई अग्रता दिलाए । ३३ औं मिनेटमा इन्टर १० खेलाडीमा सिमित भयो । इन्टरका भिडाल रातो कार्ड खाँदै मैदान बाहिरिएका थिए ।
५९ औं मिनेटमा आर्चरफ हाकिमीले आत्मघाती गोल गर्दा रियलले २–० को जित निकाल्न सफल भयो । जितसँगै रियलले अघिल्लो चरण प्रवेशको सम्भावनालाई बलियो बनाएको छ ।
लिगमा चार खेल खेलेको रियल ७ अंकसहित समूह बीको तालिकाको दोस्रो स्थानमा छ । पराजित इन्टर २ अंकसहित तालिकाको पुछरामा छ ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
