स्पेनिस ला लिगा फुटबलमा बार्सिलोनाले एट्लेटिको मड्रिडमाथि सानदार जित दर्ता गरेको छ । आइतबार राति भएको खेलमा १० खेलाडीमा समेटिएको बार्सिलोनाले एट्लेटिकोलाई ४—२ गोल अन्तरले पराजित गरेको हो ।
क्याम्प नाउमा सुरुआती अग्रता भने एट्लेटिकोले बनाएको थियो । आठौं मिनेटमा यानिक कारास्कोले गोल गर्दै एट्लेटिकोलाई १—० को अग्रता दिलाएका थिए ।
तर,दशौँ मिनेटमा जोर्डी अल्बाले गोल गर्दै बार्सिलोनालाई १—१ गोलको बराबरीमा ल्याए । खेलको २१ औं मिनेटमा गाभीले गोल गरेपछि बार्सिलोना २—१ ले अघि रह्यो ।
४३ औं मिनेटमा रोनाल्डो अरुजोले गोल गर्दै बार्सिलोनालाई ३—१ को अग्रता दिलाएका थिए । खेलको ४९ औं मिनेटमा डानी अल्भेसले गोल गर्दै बार्सिलोनालाई ४—१ को अग्रता दिलाए ।
५८ औं मिनेटमा एट्लेटिकोका लुइस सुआरेजले गोल गरेपनि बार्सिलोना ४—२ ले विजयी भएको हो । जितसँगै बार्सिलोनाले २२ खेलमा ३८ अङ्क जोडेको छ ।
बार्सिलोना चौंथो स्थानमा उक्लिएको छ । एट्लेटिको ३६ अङ्क जोडेर पाँचौं स्थानमा छ ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
