बङ्गलादेशमा कोरोना भाइरसविरुद्धको बुस्टर खोप लगाउन सुरु गरिएको छ ।
परीक्षणको रूपमा आइतबारदेखि बङ्गलादेश सरकारले बुस्टर खोप लगाउने अभियान सुरु गरेको अधिकारीहरूले जानकारी दिएका छन् । बङ्गलादेशका स्वास्थ्य मन्त्री जहिद मालेक्वीले राजधानी ढाकामा सुरुवात गर्दै खोप अभियानलाई चाँडै नै देशव्यापी गराइने जानकारी दिएकी हुन् ।
खोपको बुस्टर डोज सुरुमा अग्रपङ्क्तिमा काम गर्ने तथा वृद्धहरूलाई उपलब्ध गराइने छ र त्यसपछि क्रमशः अरुलाई लगाइने छ । साथै, स्वास्थ्य मन्त्रालयका वरिष्ठ अधिकारीहरू, पत्रकार तथा धार्मिक नेताहरूलाई खोपको बुस्टर डोजको प्राथमिकताको सूचीमा राखिएको छ ।
