युरोपको सर्वाधिक ठुलो क्लब फुटबल प्रतियोगिता च्याम्पियन्स लिगमा आज दुई खेलहरू हुँदै छन् । अन्तिम १६ को पहिलो लेगको खेलअन्तर्गत आज साविक विजेता चेल्सीसहित चार टिम प्रतिस्पर्धामा छन् ।
इङ्ग्लिस क्लब चेल्सीले घरेलु मैदान स्टाम्फोर्ड ब्रिजमा फ्रेन्च च्याम्पियन क्लब एलओएससी लिलेसँग खेल्दै छ । यो खेल नेपाली समयानुसार राति १ः४५ बजे हुनेछ ।
यस्तै, अर्को खेलमा इटालियन क्लब युभेन्टस र स्पेनको भिल्लारियलले खेल्दै छन् । राति १ः४५ बजे नै हुने यो खेल भिल्लारियलको मैदान एल मड्रिगलमा हुने छ ।
