सन् २०२२ मा हुने विश्वकप छनोटमा साविक विजेता फ्रान्सले फिनल्यान्डमाथि २–० गोलको जित निकालेको छ । मङ्गलबार राति भएको विश्वकपको युरोपियन छनोटतर्फ फ्रान्सले आफ्नै मैदानमा फिनल्यान्डलाई हराउँदा दुवै गोल एन्टोइन ग्रिजम्यानले गरे ।
ग्रिजम्यानले खेलको २५औँ मिनेटमा गोल गर्दै फ्रान्सलाई सुरुआती अग्रता दिलाएका थिए । ५३औँ मिनेटमा उनले दोस्रो गोल गर्दै फ्रान्सलाई २–० गोलको जित दिलाए ।
जितसँगै फ्रान्सले ६ खेलमा १२ अङ्क जोडेको छ । ऊ समूह ‘डी’को शीर्ष स्थानमा छ । फिनल्यान्ड भने पाँच अङ्कसहित तेस्रो स्थानमा छ । उसले चार खेल खेलेको छ ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
