पाकिस्तान क्रिकेट टोलीका पूर्वकप्तान एवम् क्रिकेटर शाहिद अफ्रिदीले एभरेस्ट प्रिमियर लिग (इपिएल) खेल्न नेपाल पक्कै आउने बताएका छन् । इपिएलका लागि काठमाडौँ किङ्ग्स एलेभेनमा अनुबन्ध भएसँगै अफ्रिदीले सामाजिक सञ्जालमार्फत खेलसँगै कतै नभएको सौन्दर्य हेर्न नेपाल आउने बताए ।
चौथो संस्करणको इपिएलका लागि पाकिस्तानी अलराउन्डर अफ्रिदीलाई काठमाडौँ किङ्ग्स एलेभेनले भित्र्याएको हो । काठमाडौँ किङ्ग्सले ४४ वर्षीय अफ्रिदीलाई अन्तर्राष्ट्रिय खेलाडीको रूपमा अनुबन्ध गरेको हो ।
इपिएल आगामी असोजमा हुने तय भएको छ । इपिएल क्रिकेट असोज ९ गतेदेखि असोज २३ गतेसम्म टियु क्रिकेट मैदानमा हुनेछ ।
अफ्रिदीले इपिएल खेल्न नेपाल आउने बताउँदै कतै नभएको सौन्दर्य अवलोकन गर्न भ्रमणको सदुपयोग गर्ने उल्लेख गरे । ‘पक्कै पनि अन्त कतै नभएको अनुपमस्थल भ्रमणसमेत गर्नेछु ।’
पाकिस्तानका पूर्वकप्तान समेत रहेका अफ्रिदीले पाकिस्तानका लागि २७ टेस्ट, तीन सय ९८ ओडिआई, ९९ टि–२० आई र तीन सय २६ टि–२० खेल खेलेका छन् । अफ्रिदीले तीन फर्म्याटमा गरी ११ हजारभन्दा बढी रन बनाएका छन् ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
