जर्मन बुन्डेसलिगामा साविक विजेता बायर्न म्युनिख लिभरकुसेनसँग बराबरीमा रोकिएको छ ।
शनिबार राति घरेलु मैदानमा भएको खेलमा बायर्नले लिभरकुसेनसँग १–१ गोलको बराबरी खेल्दै अङ्क बाँडेको हो । एलिएन्ज एरिनामा थोमस मुलरले आत्मघाती गोल गरेपछि बायर्न बराबरीमा रोकिएको हो ।
खेलको १८औँ मिनेटमा निकलास सुलले गोल गर्दै बायर्नलाई सुरुआती अग्रता दिलाएका थिए । तर ३६औँ मिनेटमा मुलरले आत्मघाती गोल गरेपछि लिभरकुसेन बराबरीमा फर्किएको थियो । र, बाँकी समय गोल हुन नसक्दा दुवै टिमले एक–एक अङ्क बाँडेका हुन् ।
बराबरीसँगै शीर्ष स्थानको बायर्नले २५ खेलमा ६९ अङ्क जोडेको छ । लिभरकुसेन भने ४५ अङ्कका साथ तेस्रो स्थानमा छ ।
यो खबर पढेर तपाईलाई कस्तो महसुस भयो ?
[WPAC_LIKE_SYSTEM]प्रतिक्रिया
सम्बन्धित खवर
