पौष २३ । राष्ट्रिय प्रजातन्त्र पार्टी राप्रपाका अध्यक्ष कमल थापाले गृहजिल्ला पुगेर सक्रिय सदस्यता बन्ने अभियानको सुरुवात गरेका छन् । हेटौंडा १८ हर्नामाडीमा आज आयोजित कार्यक्रममा सक्रिय सदस्य बन्न जिल्ला अध्यक्ष रामहरि न्यौपानेलाई फाराम बुझाएर थापाले अभियान सुरु गरे ।
राप्रपाको आगामी महाधिवेशन सक्रिय सदस्यताका आधारमा महाधिवेशन प्रतिनिधि हुने नीतिअनुरुप पार्टीले सघन रुपमा देशव्यापी सक्रिय सदस्यता वितरण अभियान सञ्‍चालन गरेको छ । महाधिवेशनमा महिला, मधेसी, सीमान्तकृत, दलित, पिछडिएका सबैको सहभागिता सुनिश्चित गरेको त्यसअवसरमा जनाइएको छ ।
कार्यक्रममा अध्यक्ष थापाले राप्रपालाई मुलुकको बलियो राष्ट्रबादी प्रजातान्त्रिक शक्ति निर्माण गर्ने अभियानमा साथ सहयोग र सक्रियताको निमित्त कार्यकर्तालाई आग्रह गरे । यस्तै राप्रपा नेता मधु अधिकारीले मकवानपुरको विकास र प्रदेश राजधानी हेटौंडा बनाउनमा कमल थापाको महत्त्वपूर्ण भूमिका रहेको बताए । देशभर तीन लाख सक्रिय सदस्य बनाउने लक्ष्यसाथ अभियान सुरु गरिएको नेता राजाराम बर्तौलाले जनाए । राप्रपाको महाधिवेशन आगामी वैशाखमा तोकिएको छ ।

प्रतिक्रिया

सम्बन्धित खवर

ताजा समाचार

लोकप्रिय