BREAKING
बलात्कार आरोपी सन्दीपलाई धरौटीमा छाड्ने आदेशको कागजात झिकाउन सर्वोच्चको आदेश | शेयर बजारको ओरालो यात्रा अझै जारी रहने आङ्कलन | सञ्चारमाध्यमलाई उद्योगको मान्यता दिन प्रधानमन्त्रीसमक्ष आग्रह | निर्णय गर्न बाँकी छ, रास्वपाले धैर्य गर्नुपर्छ : महरा | रास्वपा तत्काल सरकारबाट नबाहिरिने | दिर्घरोगीलाई मासिक ५ हजार दिने सरकारको निर्णय अझै भएन कार्यान्वयन | ‘रास्वपालाई गृहमन्त्री दिन पूर्णपाठ चाहिँदैन' | नारायणीको बहाव कम भएपछि निकुञ्जको सुरक्षामा चुनौती | प्रचण्ड र ओली छुट्टाछुट्टै लागे सत्ता समीकरणको खेलमा, रविलाई च्याप्ने र फाल्ने अभियानको थालनी | काँग्रेस छिट्टै सरकारमा पुग्छ: प्रवक्ता डा महत |

विभाजित नेकपाको पुष्पकमल दाहाल प्रचण्ड र माधवकुमार नेपाल समूहले आज (बुधबार) आन्दोलनका थप कार्यक्रम घोषणा गर्ने तयारी गरेको छ ।

यसकै विषयमा छलफल गर्न उक्त समूहले दिउँसो १२ बजे पेसिसडाँडामा स्थायी कमिटी बैठक बोलाएको छ । बैठकपछि संघर्षका थप कार्यक्रम घोषणा गरिने नेताहरुले बताएका छन् । नेता योगेश भट्टराईले बिहान ११ बजे अखिल नेपाल महिला संघको वृहत भेला पनि पार्टीको केन्द्रीय कार्यालय पेरिसडाँडामा हुने बताए ।

वृहत भेलालाई पार्टीका शीर्ष नेताहरुले सम्बोधन गर्नेछन्। त्यसैगरी १२ बजे उपत्यकतामा उपलब्ध स्थायी कमिटीका सदस्यहरुको छलफल चल्नेछ। पेरिसडाँडामा चल्ने छलफलले भावी आन्दोलनका कार्यक्रम सार्वजनिक गर्ने जानकारी भट्टराईले दिए । उक्त समूहले आन्दोलन र संघर्षका थप कार्यक्रम दिउँसो ३ बजे घोषणा गरिने जनाएको छ ।

प्रधानमन्त्री केपी शर्मा ओलीले पुस ५ गते संसद विघटन गरेसँगै सत्तारुढ नेकपा विभाजित भएको छ । त्यसको विरोधमा दाहाल र नेपाल समूह सडक संघर्षमा उत्रिएको छ । मंगलबार त्यही समूहले देशभर विरोध प्रदर्शन गरेको थियो । कांग्रेस लगायतका अन्य दलले पनि संसद विघटनको विरोधमा आन्दोलन गरिरहेका छन् ।

प्रतिक्रिया

सम्बन्धित खवर

ताजा समाचार

लोकप्रिय