५ पुस । लिओनल मेसीले पेलेको कीर्तिमान बराबरी गरेको स्पानिस ला लिगाको खेलमा बार्सिलोनाले भ्यालेन्सियासँग बराबरी खेलेको छ । लिगअन्तर्गत शनिबार भएको खेलमा दुवै टोलीले एक(एक पटक अग्रता लिए पनि अन्त्यमा खेल २(२ को बराबरीमा सकियो ।
घरेलु मैदानमा बराबरी खेलेपछि बार्सिलोनाले यस सिजन सातौं पटक अंक गुमाएको छ । १३ खेल खेल्दा बार्सिलोनाले ३ खेल बराबरी गर्दा ४ खेल हारेको छ । ६ खेलमा भने बार्सा विजयी भएको छ ।
क्याम्प नोउमा भएको खेलको २९औं मिनेटमा माउटार डिएखाबीले गोल गर्दै भ्यालेन्सियालाई पहिले अग्रता दिलाएका थिए । त्यसपछि बार्सिलोनाले लगातार दुई गोल गर्द अग्रता बनायो । अन्त्यमा भ्यालेन्सियाले बराबरी गोल फर्कायो ।
पहिलो हाफको इन्जुरी समयमा लिओनल मेसीले गोल गर्दै खेल बराबरी गरे भने पेलेले राखेको एकै क्लबका लागि सर्वाधिक गोल गर्ने कीर्तिमान पनि बराबरी गरे । मेसीले बार्सिलोनाका लागि सबैखाले प्रतियोगितामा ६४३ गोल गरेका छन् ।
पेलेले ब्राजिलियन क्लब सान्तोसका लागि ६४३ गोल गरेका छन् । पेलेले १९ सिजन खेल्दै उक्त कीर्तिमान बनाएका थिए । मेसीले आफ्नो १७औं सिजनमै उक्त उपलब्धी बराबरी गरे ।
भ्यालेन्सियाविरुद्ध एक गोलले पछि परेको अवस्थामा मेसीले पहिलो हाफको इन्जुरी टाइममा बराबरी गोल फर्काएका थिए । भ्यालेन्सियाका जोस गाएले एन्टोनी ग्रीजमनलाई पेनाल्टी एरियामा फाउल गरेपछि बार्सिलोनाले पेनाल्टी पाएको थियो । मेसीको पेनाल्टी प्रहार भ्यालेन्सियाका गोलकिपर जाउमेले रोकेका थिए तर रिबाउण्डमा जोर्डी अल्बाको पासमा मेसीले गोल गरेका हुन् ।
दोस्रो हाफमा दुवै टिमले एक(एक गोल गरे । ५२औं मिनेटमा रोनाल्ड अराउजोले गोल गर्द बार्सिलोनालाई २(१ को अग्रता दिलाएका थिए । तर ६९औं मिनेटमा म्याक्सी गोमेजले भ्यालेन्सियाका लागि बराबरी गोल गरे ।
त्यसपछि गोल नहुँदा दुवै टिमले १(१ अंक बाँडे । बराबरीपछि बार्सिलोनाले चौथो स्थानमा उक्लने मौका गुमायो । १३ खेलबाट २१ अंकसहित बार्सिलोना पाँचौ स्थानमै जुन शीर्ष स्थानको एट्लेटिको मड्रिडभन्दा ८ अंकले पछि हो । भ्यालेन्सिया १४ खेलबाट १५ अंकसहित १२औं स्थानमा छ ।
शनिवारै बार्सिलोनाका पूर्वफरवार्ड लुइस सुअरेजले दुई गोल गरेपछि एट्लेटिकोले एल्चेलाई ३(१ ले पराजित गर्दै शीर्ष स्थानमा ३ अंकको स्पष्ट अग्रता बनाएको हो । सुअरेजले खेलको ४१औं र ५८औं मिनेटमा गोल गरे । यस्तै डिएगो कोस्टाले ८०औं मिनेटमा पेनाल्टीबाट गोल गरे । एल्चेका लागि ६४औं मिनेटमा लुकास बोयेले एक गोल फर्काए ।
१२ खेलबाट २९ अंकसहित एट्लेटिको शीर्ष स्थानमा छ । १४ खेल खेलिसकेको रियल सोसिडाड २६ अंकसहित दोस्रो स्थानमा छ ।

प्रतिक्रिया

सम्बन्धित खवर

ताजा समाचार

लोकप्रिय