BREAKING
बलात्कार आरोपी सन्दीपलाई धरौटीमा छाड्ने आदेशको कागजात झिकाउन सर्वोच्चको आदेश | शेयर बजारको ओरालो यात्रा अझै जारी रहने आङ्कलन | सञ्चारमाध्यमलाई उद्योगको मान्यता दिन प्रधानमन्त्रीसमक्ष आग्रह | निर्णय गर्न बाँकी छ, रास्वपाले धैर्य गर्नुपर्छ : महरा | रास्वपा तत्काल सरकारबाट नबाहिरिने | दिर्घरोगीलाई मासिक ५ हजार दिने सरकारको निर्णय अझै भएन कार्यान्वयन | ‘रास्वपालाई गृहमन्त्री दिन पूर्णपाठ चाहिँदैन' | नारायणीको बहाव कम भएपछि निकुञ्जको सुरक्षामा चुनौती | प्रचण्ड र ओली छुट्टाछुट्टै लागे सत्ता समीकरणको खेलमा, रविलाई च्याप्ने र फाल्ने अभियानको थालनी | काँग्रेस छिट्टै सरकारमा पुग्छ: प्रवक्ता डा महत |

भारतमा जारी इन्डियन प्रिमियर लिग (आईपीएल) टी–ट्वान्टी क्रिकेटमा मुम्बई इन्डियन्सले लगातार पाँचौं हार व्यहोरेको छ ।

बुधबार राति मुम्बई पन्जाब किङ्ससँग १२ रनले पराजित भएको हो ।

१ सय ९९ रनको विशाल विजयी लक्ष्य पछ्याएको मुम्बईले २० ओभरमा ९ विकेट गुमाउँदै १ सय ८६ रन बनायो ।

मुम्बईका डेवाल्ड ब्रेभिसले ४९ रनको विष्फोटक इनिङ खेले पनि टोलीले हार टार्न सकेनन् । सूर्य कुमार यादवले ४३ रन बनाए । यसैगरी, तिलक बर्माले ३६ रन जोडे भने कप्तान रोहित शर्मा २८ रन बनाएर आउट भए ।

मुम्बईलाई सस्तैमा समेट्न पन्जाबका ओडिन स्मिथले ४ तथा कागिसो राबडाले २ विकेट लिए ।

यसअघि पहिले ब्याटिङ गरेको पन्जाबले २० ओभरमा ५ विकेट गुमाएर १ सय ९८ रन जोडेको थियो ।

पन्जाबका लागि शिखर धवनले ७० रनको अर्धशतकीय इनिङ खेल्दा कप्तान मायांक अग्रवालले ५२ रनको अर्धशतकीय इनिङ खेले । यसैगरी, जितेश शर्मा अविजित ३० रन जोड्दा साहरुख खानले १५ तथा जोनी बेयर्स्टोले १२ रन बनाए ।

मुम्बईका बसिल थाम्पीले २ तथा जयदेव उनाकड, जस्प्रित बुम्राह र मुरुगान आश्विनले १/१ विकेट लिए ।

जितसँगै पन्जाब तेस्रो स्थानमा उक्लिएको छ । पाँच पटकको च्याम्पियन मुम्बई ५ खेलमा जित बिहीन हुँदै पुछारमा छ ।

प्रतिक्रिया

सम्बन्धित खवर

ताजा समाचार

लोकप्रिय