नेपाली काङ्ग्रेसका नेता मोहम्मद आफताज आलमविरुद्धको मुद्दामा आज सुनुवाइ हुने भएको छ । रौतहट बम काण्डका आरोपित आलमको मुद्दामाथि सुनुवाइका लागि आज सर्वाेच्च अदालतले पेसी तोकेको हो ।
विस्फोटक पदार्थ बमसमेतको प्रयोग गरी ज्यान मार्ने उद्योगसमेत गरेको सम्बन्धी मुद्दाका सम्बन्धमा हिरासतमा रहेका आलमले जमानतमा रिहाइका लागि माग गर्दै सर्वोच्च अदालतमा रिट निवेदन दिएका थिए ।
उक्त मुद्दाको शुक्रबार न्यायाधीश आनन्दमोहन भट्टराई र नहकुल सुवेदीको संयुक्त इजलासमा उक्त रिट निवेदनको सुनुवाई हुँदैछ । यसअघि पटक पटक पेसी तोकिए पनि निवेदनमा विभिन्न कारणले सुनुवाई स्थगित हुँदै आएको थियो ।
जिल्ला अदालत र उच्च अदालतले उनलाई हिरासतमै राखेर मुद्दा प्रक्रिया अघि बढाउन आदेश दिएको छ । तल्लो अदालतको सो आदेशविरुद्ध आलमले सर्वोच्च अदालतमा रिट निवेदन दर्ता गराएका थिए ।
